رانيا يوسف ترد على شائعات فيلم “أوراق التاروت”: هو عيب يكون في حيوانات في الفيلم؟

ردت الفنانة رانيا يوسف من خلال برنامج “الحكاية”، الذي يقدمه الإعلامي عمرو أديب على قناة MBC مصر، على الشائعات التي انتشرت خلال الأيام الماضية، بشأن فيلم “أوراق التاروت”، ووجود مشهد لها يجسد الخيانة الزوجية مع “كلب”.

وهاجمت رانيا منتقدي الفيلم عبر مواقع التواصل الاجتماعي، قائلة: “مبقاش فيه ضمير ولا أخلاق في السوشيال ميديا، وبأكد أن الفيلم تمت إجازته من الرقابة، ورانيا يوسف مش مثيرة للجدل ولا بتعمل حاجة أنا واحدة بتشتغل وبتربي عيالها وفي حالها، بس هما مركزين معايا، وعايزين يحشروا اسمي في أي مصيبة علشان يتشهروا على قفايا”.

وتابعت: “فيه شخص معين بيحاربني لمجرد إني مش عايزة أطلع معاه في البرنامج، ولا أعمل معاه حوار، أنا قلت له يا حبيبي مش عايزة أعمل حوارات، ومن وقتها بيحاربني، وهو صاحب شائعة مشهد الكلب في فيلم التاروت”.

و أكملت: “الفيلم متصور من سنتين وخلصان، عيب حد يقول إن فيه مشهد خارج مع الكلب، ولكن ما دام رانيا يوسف ماسكة الكلب لازم يحشروني في أي مصيبة”.

وواصلت: “هو عيب يبقى فيه حيوانات في الفيلم؟ ولسه فيه فيلم رايح مهرجان فينسيا بالكلب، إشمعنا مسكوا في الفيلم بتاعي، والتاروت فيه كلب وقطة وبغبغان، إشمعنا سابوا القطة والبغبغان ومسكوا في الكلب، علشان أنا ماسكة الكلب في الفيلم، سمية الخشاب ليها قطة في الفيلم ومي ليها بغبغان، وأنا ليا كلب”.

و أردفت: “لازم ندخّل الحيوانات الأليفة معانا في الأفلام على أساس نفهّم الناس إن فيه مخلوقات عايشة معانا على الكوكب لازم نتعامل معها برحمة وإنسانية، وفي مهرجان فينسيا احتفلوا بالكلب أكثر من الفنانين”.

و اختتمت: “فيلم التاروت لا يوجد به مشهد واحد خادش للحياء”.