جوري بكر عن عودتها لزوجها سريعًا: مكنتش أقصد الترند

تحدثت الفنانة جوري بكر، في مداخلة هاتفية ببرنامج “تفاصيل”، الذي تقدمه الإعلامية نهال طايل، عن موقفها تجاه الرضيعة التي عثرت عليها ملقاة في الشارع، حيث قامت بتنظيفها.

وقالت جوري بكر: “من بعد ما بقيت أم الموضوع بقى صعب، وأي بني آدم هيشوف المنظر ده مع أم وطفلتها الرضيعة في درجة حرارة صعبة هيعمل كده”.

واستكملت جوري بكر: “أي ست هتشوف المنظر ده، وخاصة الأم هيصعب عليها الموقف، لأنها ملهاش مأوى، والطفلة رضيعة وكانت في حجم ابني الصغير وهي وحشتني أوي لأني كنت متعودة أشوفها، واتأثرت بيها، وكان نفسي أربيها مع ابني، بس دي مسؤولية كبيرة عليا، وحاولت أساعد أمها بس هي رفضت وهربت وخدت البنت ومشيت، وبتمنى تكون البنت بخير وكويسة وبدعيلها كل يوم”.

وأوضحت جوري بكر أن انفصالها عن زوجها وعودتهما سريعًا لم يكن بقصد تحقيق الترند، بل كان قرارًا متسرعًا في وقت غير مناسب.

وأضافت جوري: “أي ست مجنونة بتنفعل وبتتعصب على حاجات تافهة ممكن تعمل أي تصرف غصب عنها، والسوشيال ميديا ده مكان لأخبار الفنانين، واللي عملته غلط لأني مش المفروض أتكلم عن حياتي الشخصية”.