أحمد فهمي لـ"عندك وقت مع عبلة": كلمة شريك حياتي كبيرة أوي.. والكلاب أهم حاجة في حياتي

حل الفنان أحمد فهمي ضيفا على الإعلامية عبلة في ثاني حلقات برنامجها "عندك وقت مع عبلة" على شاشة قناة MBC وكشف خلال اللقاء عن العديد من جوانب حياته الشخصية والفنية متحدثا عن طليقته منة حسين فهمي، ووجهة نظره في الزواج، وشغفه الكبير بالحيوانات الأليفة.

أحمد فهمي يتحدث عن طليقته منة حسين فهمي

أوضح أحمد فهمي أن علاقته بطليقته منة حسين فهمي ما زالت قائمة على الصداقة، قائلًا: "لسه صحاب جدا أنا ومنة، وحسين فهمي وميرفت أمين حبايبي، ولو فيه مشكلة ممكن يكلموني  هم ناس محترمة والانفصال تم بشكل محترم". 

وأضاف فهمي: "النهايات مهمة ليه أبقى جوه بيتك وعارف عنك أسرار مش من الرجولة".

وعن الزواج حاليا، قال: "شايف الجواز في السن ده كلمة شريك حياتي كبيرة أوي لازم الشخصين يبقوا صحاب أوي زي صحابي الولاد مش حب بس إننا نقدر نهزر زي ما الصحاب بيهزروا مش العيلة والخلفة".

أهمية الجودة والفن في حياته

وأشار أحمد فهمي إلى أنه أصبح أكثر وعيا بأهمية اختيار الأعمال الفنية بعناية، موضحا: "كنت بعمل عمل واحد أو اثنين في السنة، ودلوقتي اكتشفت إن ده مش صح المهم الجودة وعمرك الفني".

حبه الكبير للحيوانات الأليفة

كشف فهمي عن حبه الشديد للحيوانات مؤكدا أن هذا الشغف لم يقتصر على الكلاب فقط بل امتد إلى تربية النسانيس والقرود. 

وأضاف: "الكلاب أهم حاجة في حياتي، وبيسببولي مشاكل، وعندي كلبة اسمها زيزي وبتتعامل معايا إني زوجها، ولو حد ماسك إيدي بتغير وتخربش". 

ولفت إلى أن طليقته منة كانت تحب الحيوانات أكثر منه وأنهم لم يضعوا الحيوانات أبدًا في أقفاص.

وجهة نظره عن المصايف والمناطق السياحية

أنهى أحمد فهمي اللقاء بالحديث عن الأماكن السياحية التي يفضلها، قائلا: "مبحبش الساحل الشمالي كله Fake بحب البحر الأحمر وكريم أخويا بيروح وفورمة ويقولي تعالى أنا بحب المصيف ألبس المايوه وأمشي بالشبشب في الشارع".