خاص .. ليلى علوي تستعيد ذكرياتها مع يوسف شاهين: كان مؤسسة متكاملة.. ونصيحته بالصدق لازمتني طوال حياتي

من ضمن مشوار طويل شهد نجاحات كثيرة ومحطات ونقلات مهمة فتحت طاقات وأبواب أمام موهبة النجمة الكبيرة ليلى علوي، تبقى تجربتها مع المخرج الراحل يوسف شاهين تجربة لها خصوصيتها، وتتذكرها علوي بكثير من الامتنان والكلمات الطيبة كعادتها. 
ليلى التي التقيناها في حوار خاص في كواليس النسخة الثامنة من مهرجان الجونة السينمائي، فتحت لترند ريل قلبها وتحدثت عن ذكرياتها مع يوسف شاهين الذي يحتفي به المهرجان هذا العام، فتقول : يوسف شاهين كان مؤسسة متكاملة وأنا قلت الكلام ده من سنة 96 لأني لما اشتغلت معاهم فيلم المصير لقيت إن في مؤسسة بتحرك وبتوضب كل شيء، وكل أيام التصوير بالساعة وهناك حسابات لأدق التفاصيل مثل متى يتم. هذه السحابة داخل المشهد، وهل  والشمس هنا هتكون ورانا ولا قدامنا، وهو كشخص كان يقوم بأكثر من دور، ويقوم بهم بشكل احترافي جدا. في الإنتاج، وفي التصوير، وفي كل حاجة حولنا في الفيلم كان هناك سيستم مختلف تماما عن ما تعودنا عليه، و طبعاً حصل تطور عندنا في صناعة السينما وأصبحنا كذلك حاليا، ولكن وقتها كان هذا السيستم نادر وملفت، وكانت كل حاجة مضبوطة ليس بالساعة بل بالدقيقة والتأخير غير مسموح.
وأضافت : كان وقتها التحضير بياخد وقته كويس أوي وده بيبقى في صالح العمل والممثل والمخرج والإنتاج، فاكتر حاجة نصيحة أنا فكراها طبعاً.

وحول أهم نصيحة تلقتها من يوسف شاهين، قالت : أتذكر ان الحبيب الغالي الأستاذ شاهين قال لي خليكي زي ما انتي ماتتغيريش، علشان انتي الصدق اللي موجود فيكي وفي عينيكي باين عليكي ودي أهم حاجة لممثل، ماتكذبيش، ماتنفقيش وخليكي زي ما انتي، فأنا سمعت كلامه لغاية دلوقتي. 
اما القضايا التي لا تزل ترغب في تقديمها في أعمال فنية، فتقول : بالتأكيد هناك حاجات لسه ما قدمتهاش، وتناسب الزمن وتناسبني أنا كمان، وليست قضية واحدة .. احنا عندنا قضايا كتيرة قوي، واتمنى ان يكون موجود الكتابة الموزونة اللي اصدقها والناس تتأثر بيها ودي الطريقة اللي انا بحاول اشتغل بيها. 
وكشفت علوي جديدها الفني قائلة : حالياً بصور فيلم "ابن مين فيهم" وإن شاء الله سأكمل تصويره بعد انتهاء مهرجان القاهرة السينمائي. وتشوفوه قريب بإذن الله.