أول تعليق من صلاح عبدالله لـ'ترند ريل' بعد تعرضه لوعكة صحية
تصدر اسم الفنان صلاح عبد الله، ترند مواقع التواصل الاجتماعي في الأيام السابقة، بعد تعرضه لوعكة صحية دعته إلى كتابة وصيته خلال الأيام القليلة الماضية، ويتساءل الكثير من متابعيه عن تطورات حالته الصحية.
وقال صلاح في تصريحات خاصة لـ “ترند ريل”، “الحمدالله صحتي أحسن، وأنا الآن في منزلى مع أسرتى أقضي أوقات سعيدة”.
صلاح عبد الله يكتب وصيته
تطورات الحالة الصحية للفنان صلاح عبد الله، أثارت قلق الكثير من متابعيه ومحبيه، خاصة بعد أن كتب أمس الجمعة، وصيته ونشرها عبر حسابه الرسمي على «إكس»، وجاء فيها: ««لما مت عملتوا أيه، كان نفسي أشوفكم، بس ما قدرتش أشوف، لأني مُت، والكلام بيني وبينكم، لما مت زعلتوا عليا قد أيه، يوم يومين تلاته بالكتير، مش بلومكم، ده أنا عايزكو تعيشوا يومكم، صدقوني يومين كتير».
وتابع صلاح عبد الله: «تذكروني بكل خير، وحبذا لو كانت الذكرى بدموع أو شحتفة أو حشرجة أو نهنهة.. قصدي خلوا الحالة تبدو إنها حزن فاق كل الآفاق، في قلب من ألم الفراق موجوع واوعوا تنسوا، اذكروا محاسن موتاكم».
وأضاف: «لو مفيش ألفولي حبة محاسن واذكروها، واكتبوها على صوتي وشيروها، أو لما تيجي سيرتي اسكتوا اسكتوا وغيروا الموضوع، غيروا الموضوع لأني للأسف، لسه حي، لسه بهرب من اللي فات، لسه خايف من اللي جاي».
تطورات الحالة الصحية للفنان صلاح عبد الله
وعقب هذا، كتب الفنان صلاح عبد الله عبر حسابه الرسمي على موقع التواصل الاجتماعي فيسبوك، مطمئنًا جمهوره ومتابعيه على حالته الصحية:«ببركة دعاكم وبإذن الواحد الأحد، خفيت شوية من البرد اللي عدَّى الحد، أحسن كتير دلوقتي ومركز لأقصى حد، وبالأمارة النهارده السبت، وبعد بكره الحد».
