إسعاد يونس: "استديوهات الحصن هتحقق حلم صناع السينما وهوليود بتتراجع والمنطقة العربية تصعد"

أكدت الفنانة إسعاد يونس، أن استديوهات الحصن التي تم افتتاحها اليوم بالمملكة السعودية، ستساهم على تفجير طاقات الإبداع المكبوتة لدى صناع السينما من مؤلفين ومخرجين ومنتجين، مشيرة إلى أن هوليود حاليا تتراجع والمنطقة العربية تصعد للأمام.

وقالت إسعاد يونس خلال لقائها مع الإعلامي عمرو أديب أثناء افتتاح استديوهات الحصن: "لسه كنت بقول إن مفيش فنان  على وجه البسيطة ميفرحش بهذا الصرح الفني العظيم، كذلك صناع السينما من منتجين ومخرجين ومصمم جرافيك لأن إذا حلمك تحقق في مكان واحد ده بيفتح طاقات الإبداع عندك ويخليك تتجرأ على أفكارك اللي كنت بتتلاشها عشان مكنش ليها طريقة تنفيذ".

إسعاد يونس: استديوهات الحصن هتكون قبلة لينا كصناع سينما

وأضافت إسعاد يونس: "زمان كانت التقنيات عندنا مش قوية أوي كنا بنروح وقتها نصور في اليونان وتونس عشان التقنية كانت أحسن، فحاليا كل مكان هيرتقي بتكنولوجيا وأدوات جديدة كل ما كان قبلة لينا كصناع سينما وممثلين، وده شئ يفرح أي حد".

وتابعت إسعاد يونس: "سنة 2004 كنت في باريس وروحت زورت استديوهات مشهورة هناك وخرجت مصابة بصدمة من كتر التقنيات اللي موجودة هناك منها 96 مؤثرات صوتية وده كان رقم كبير وقتها، ورجعت وقتها غيرانة أوي على وطني العربي كله".

واستكملت إسعاد يونس: "الدنيا دوارة وبتلف زمان كان فيه هوليود وكلنا كنا واخدنها نموذج قدامنا بعدها بقى فيه هوليود الشرق مصر، ومن وجهة نظري أنا هوليود حاليا بتتراجع والمنطقة العربية بتصعد".