محمد هنيدي: "أنا كنت بلعب كورة ومكنتش بتفرج على التلفزيون حتى"

حل الفنان محمد هنيدى ضيفا مع الإعلامي أنس بوخش في برنامج "ABtalks "، المذاع على اليوتيوب، وتحدث من خلاله عن طفولته وأسرار عن حياته الشخصية.

تحدث محمد هنيدي عن طفولته قائلا: “طفوله ربنا حفظها يعني لما نحكي عن الطفولة ممكن في اي موقف مع الطفل الشقي دا يحصلو حاجه لكن كانت طفولة إلى حد ما مدللة شوية، لأن أنا جاي علي 4 بنات، أنا أمير البحار، محدش يقدر يعملي أي حاجه”. 

و تابع: “بس في نفس الوقت شقاوة، بس لما قعدت فكرة في الشقاوة اللي كنت بعملها كانت عبارة عن تمثيل، أنا بعمل مقالب، بخوف الناس، يحصل كارثة بقا ميحصلش أنا بضحك، لما كبرت بقا عرفت إن ده مخزون من الطفوله دي، كانت طفوله جميلة جدا”. 

"علاقه هنيدي بوالده ووالدته"

وتحدث محمد هنيدي عن علاقته بوالدته ووااده: "أنا خرجت من البيت قول 20 سنه لما ابتديت أمثل وده كان قرار صعب بس أبويا الله يرحمه وافق، لما لقى العيال بتجري ورايا في الشارع بعد مسلسل “بخيل وأنا”، بعد الحلقة الخامسة معرفتش أمشي في الشارع".

وتابع: "العلاقة كان فيها صداقة قوية بالتحديد مع أمي، أمي كانت الحكاية في كل حاجه لحد دلوقتي، ولما كبرت تحولت علاقتي أنا وأبويا لصداقة جميلة أوي أوي، وكانت علاقتنا مستمرة لحد آخر يوم، أبويا انتقل الأول و بعده 3 سنين انتقلت الحاجة". 

و أضاف هنيدي عن فخر أهله به قائلا: “مكنش حد مصدق ولا أنا، الطريق ده وكرم ربنا الكبير، أبويا فرح بعدين، لأن أنا كنت في حقوق، وهو شاف المحامي بقا و شاف ابنه وكيل نيابة، و ده كان مصدر فخر و اعتزاز في كل مناسبة اجتماعية، محمد في أولى حقوق، و أنا أصلا معدتش إلا أولى، أخدت سنتين واترفدت، أمي هيا اللي كانت مؤمنة بيا شوية". 

واستطرد: "جبت أبويا في رواية كنت بقول فيها جملة واحدة، بس طبعا هزقني وانت بقيت كومبارس و ده اللي سبت عشانه الجامعة، و شقيت طريقي، وأول مرة يتفرج عليا اتفرج على “حزمني يا” ، و بعد كده بقا يتابعني بقا". 

و أردف: “أنا أصلا لغبطهم الصراحة، أنا كنت بلعب كورة ونادي الزمالك وثانوية رياضية، مكنتش بتفرج على التلفزيون حتى، و اتحول الموضوع خالص من كورة لمسرح فالمسار اختلف، كل شوية الغبطهم هو انت محامي ولا لعيب كوره ولا عايز تبقا إيه”.