بعد عرضه بـ 5 أشهر.. طارق العريان يكشف تفاصيل جديدة عن "ولاد رزق 3"
كشف المخرج طارق العريان تفاصيل جديدة تعلن للمرة الأولي عن مشاهد الاكشن و الحركة في فيلم “ولاد رزق 3”، بعد عرضه بخمسة أشهر، وحقق أعلى إيراد في تاريخ السينما المصرية.
ونشر طارق العريان فيديو عبر صفحته الخاصة بموقع “فيس بوك”، يكشف فيه تفاصيل جديدة بشأن الفيلم: “الأكشن اللي موجود عندنا في الفيلم هو عملية كبيرة جدًا، وإحنا كنّا عايزين أكشن عربيات، وكوميديا في النص”.
و تابع طارق العريان: “وموقف يبقى فيه عواقب بتحصل أو حاجات غلط، دائمًا إحنا بنحط الخطة، ونروح نشوف إيه اللي حصل في التنفيذ، وإحنا فكرنا في تايسون فيوري مش مشاهير تانيين لأنه بطل عالمي، ولكن عشان يحصل القصة اللي قولنا عليها في الفيلم”.
و أضاف: “البداية كانت لما قررنا نسرق تايسون فيوري وهو خارج من الأرينا، والطريقة كنّا عايزين نخليها لايقة مع الفيلم بتسكينهم وطريقتهم، لأن ولاد رزق في الآخر هم من عين الصيرة وتفكيرهم بسيط، وفضلنا نفكر إيه الخطة اللي نوصلهم بيها”.
و أردف: “إنهم يدخلوا الكونتينر، وعملنا نوع من أنواع الأكشن في البوليفارد واللي عجبنا فيها إنها زحمة، وكان المفروض أول ما يدخلوا يسلموا الساعة لواحد من ولاد رزق الخمسة، اللي قرر ميقفش في مكانه، والمفروض إنهم بيتجمعوا عند مكان واحد وهو الأهرامات”.
واختتم قائلا: “وعملنا أكشن هناك، وعملنا أكشن مدته 20 دقيقة، وكنا مركزين إنه يبقى فيه تغيير لشكل الأكشن كل 30 أو 40 ثانية، وكل دا عشان نخلي شكل الـ40 دقيقة مبهر”.
“ تفاصيل فيلم ولاد رزق 3 "
مسلسل ولاد رزق 3 تدور أحداثه بعد مرور سنوات وانفصال الأخوة في طرقهم الحياتية المختلفة، ولكن في يوم من الأيام، يعود شبح من الماضي ليلقي بظلاله على ولاد رزق، مما يجبرهم على العودة إلى حياة الجريمة والسرقة مرة أخرى حتى ينجوا بأنفسهم، في عملية مصيرية هي الأكبر والأخطر والأهم في تاريخ ولاد رزق، و يشارك في البطولة بجانب الفنان أحمد عز، عمرو يوسف، آسر ياسين، محمد ممدوح، كريم قاسم ،أسماء جلال، نسرين أمين، و غيرهم من الفنانين، تأليف وإخراج طارق العريان.