هشام ماجد: "الزعيم عادل إمام سعيد إننا هنعيد فيلم البحث عن فضيحة"

حل الفنان هشام ماجد ضيفا على الإعلامية فاطمة مصطفى في برنامجها الراديو بيضحك 9090، وتحدث من خلاله على مسلسل أشغال شقة وارتباطه بعدد كبير من الجمهور، وموقف الزعيم عادل إمام بعد علمه بإعادة تقديم فيلم البحث عن فضيحة.

معربا عن سعادته بنجاح فيلم إكس مراتي، مشيرًا إلى أنهُ استعان بدكتور نفسي خلاله.

 فيلم البحث عن فضيحة

وتحدث هشام ماجد عن إعادة تقديم فيلم البحث عن فضيحة قائلًا: “الزعيم عادل إمام سعيد إننا هنعيد فيلم البحث عن فضيحة وطريقة الفيلم عبارة عن ريميك وبيتعمل في أمريكا طول الوقت أنه بيتاخد يتعمل من القديم مسلسلات، وبيكون نفس القصة بس مش نفس التفاصيل، ومعمول بما يناسب العصر اللي احنا فيه، وبوعد الجمهور إننا هنقدم حاجة كويسة ليهم متقللش من الجزء الأول، وبيناقش الجيل الجديد أكتر لأنهم ماشفهوش، ورامي إمام أكد لي إن الزعيم مبسوط، وأنا كمان متحمس لسه”.

“ مسلسل أشغال شقة"

تحدث هشام ماجد عن اختيار أسماء جلال في مسلسل أشغال شقة  قائلا: “أسماء جلال كانت عاملة حالة حلوة في عدد من الأعمال الفنية اللي شاركت فيها من بينهم مشاركتها في مسلسل الهرشة السابعة، وأنا عارفها على المستوى الشخصي وعارف أنها دمها خفيف ولكن مكنتش شوفتها في الكوميدي قبل كدة اقترحت عليها تشارك في مسلسل أشغال شقة ووافقت وبصراحة مشوفتش احسن منها في الدور ده و مكنش ينفع غيرها”.

وأكمل: “ أبطال مسلسل أشغال شقة الحقيقين هما ضيوف الشرف اللي جم خلال الأحداث”.

و أضاف: “ أغلب جمهوري أطفال، والنوعية بتاعتي حلوة ليهم وما يمنعش إني هقدم حاجه تانيه بس تكون مش خادشة”.

وعن مثله الأعلى في التمثيل قال:" كريم عبدالعزيز مثلي الأعلى في التمثيل، وهو في حتة لوحده، ومشهد في نادي الرجال السري ده وكان فرصة ليا للمشاركة، ولما بعتولي قولت يلا على طول" .

“ فيلم إكس مراتي ”

وتحدث عن نجاح فيلم إكس مراتي قائلًا: سعيد جدا بالتجربة لأنها خدت وقت كبير جدا، والورق كان مكتوب حلو وعملنا فيه ورشه بيني وبين الفنانين واستعنت بطبيب نفسي خلال الأحداث".

وتابع عن التعاون مع أمينة خليل ومحمد ممدوح: “وجودهم كان مشجع لي لأني بحبهم هما الاتنين، وهما ناجحين جدًا وحسيت إن دي تركيبة حلوة وكانت نقطه فارقة فعلا في الفيلم”.