رامي جمال في رسالة مفاجئة: "الدنيا مش محتاجة صراعات في الشغل وحبوا بعض أحسن"

وجه الفنان رامي جمال، رسالة لجمهوره وذلك بعد كتابة تدوينة وجه من خلالها نصيحة لهم، عبر حسابه الرسمي بموقع إكس "تويتر سابقًا"، وطالبهم بمحبة بعض.

وكتب "جمال" عبر حسابه على موقع "إكس": "الدنيا مش محتاجة أي صراعات.. لا شغل ولا علاقات ولا أي حاجة".

وأضاف: "حبوا بعض وحبوا اللي بتعملوه حتى لو مش شايف إنك قادر توصل بسرعة استسلم لإرادة ربنا وارضي وخليك واثق وعشمان انه هيكرمك".

واختتم: "حبوا بعض عشان احنا مش هنخلد فيها لكن السيرة والحب والخير خالدين دنيا وآخره سهلوها عشان هي رحلة".

رامي جمال يتحدث عن البهاق

وسبق وتحدث رامي جمال عن تجربته مع مرض البهاق، وكشف حينها تفاصيل كاملة عن إصابته، في حديث مؤثر عبر حسابه على تطبيق "تيك توك" قائلا: "أنا معالجتوش.. بس اتعالجت نفسيا منه، دعمكوا لما اتكلمت في القصة.

وأردف: واتفاجئت إن انتوا أهلي وصحابي وزمايلي في الوسط الفني وكل الناس دعمتوني وخليتوني شايف إن الموضوع ده طلع ميزة مش عيب".

وتابع: "أنا البهاق ايديا مليانة في كل حتة في جسمي، زمان لما كان بيبقى في نقطة صغنونة كنت بقعد أراقبها وببقى حزين جدا وزعلان وزي ما حكيت قبل كده إن كان في أشخاص زمان مبقتش تسلم والحاجات اللي مبقتش تفرق معايا نفسيا".

وأوضح: "البهاق مرض مناعي، ومفيش في العلم لسه علاج نهائي له، في دكاترة في مصر بتدي علاج مؤقت، أنا مقدرش أقولكم اسمعوا كلامهم كل واحد حر في تجربته".