رسالة مؤثرة من إيمي سمير غانم لروح والديها الراحلين

وجّهت الفنانة إيمي سمير غانم، عبر حسابها الشخصي على موقع الصور الشهير “إنستجرام” رسالة مؤثرة لروح والديها الراحلين، سمير غانم ودلال عبدالعزيز.

ونشرت إيمي سمير غانم صورة تجمع والديها معلقة: “كل شوية أقول أمتى أشوفكم، بجد الفراق فعلًا من أصعب الحاجات اللي بنحس بيها، ربنا يصبّر كل اللي حاسس بيا، بكون عايزة أحكي لهم بشوف إيه في حياتي ومين مزعلني ويشوفوا ابني، تفاصيل كتير وطبعا الحياة لازم تستمر، والكلام اللي انتو عارفينوا ده، ونشتغل ونربي أولادنا ونضحك ونعيش أيامنا، بس التفكير فيهم مش بيهدا”.

وأضافت: “نصيحة مني لكل ولد وبنت، ربنا يخليلكم باباكم ومامتكم تفضلوا تحت رجليهم كل يوم، مش مهم الأصحاب، مش مهم السفر، مش مهم غير إنهم يكونوا هما و أولادكم كل يوم معاكم، وربنا يصبّر كل الناس.. الفاتحة، وربنا يغفرلهم ويجمعنا بيهم في الجنة”.