ردت الفنانة شيرين عبدالوهاب على كلام الفنان اللبناني وائل جسار عنها، بعدما وصف موهبتها بأنها لن تتكرر، وذلك عبر منصتها الشخصية بموقع تبادل الصور والفيديوهات “إنستجرام”.

ونشرت شيرين عبدالوهاب مقطع فيديو لوائل جسار يقول من خلاله: “شيرين.. إنتي كنز موهبة قديرة جدًّا لا ولن تتكرر، كانت لازم تتواجد في جيل العمالقة، أوجه لها تحية وأقول لها أنت قوية وكل شيء سيمر، ونتمنى أن تعودي في أقرب وقت”.

وعلّقت شيرين عبدالوهاب على الفيديو قائلة: “كتر خيرك، أنت صديق وغالي عليا وكلامك ده على راسي من فوق، وأنت كمان كنز وكان لازم تتولد في جيل العمالقة، شكرًا على كلامك الحلو زيك”.

أحدث أغاني شيرين عبد الوهاب

ومن ناحية أخرى، طرحت النجمة شيرين عبدالوهاب أحدث أغانيها مؤخرًا، التي تحمل اسم “عودتني الدنيا”، والتي استطاعت أن تحقق نجاحًا كبيرًا عبر قناتها الشهيرة “يوتيوب”.

أغنية “عودتني الدنيا”

أغنية “عودتني الدنيا” من كلمات أحمد المالكي، وتوزيع نابلسي، تسجيل ميكس وماستر خالد سند، وألحان تامر عاشور، جيتار وهارموني أحمد حسين، وتريات محمد مدحت، باص جيتار أحمد رجب، بيركشن ضياء بدر، إدارة إنتاج رامز سليمان، وتم التسجيل في استوديو TRS.

وتقول كلمات الأغنية:

“عودتني الدنيا أخسر.. أخسر

وإن لما أحب حاجة أوام تسيبني

أي لحظة فرح تِقصر

طول حياتي الحزن قاعد بيراقبني

وأما جيت لحياتي قولت الفرحة جاتلي

والسعادة خلاص معايا وقربت لي

بس برده بعدت عني

حلمي راح كالعادة مني

قولت أحب الحزن يمكن

برده زيك هيفارقني

بس دي الحاجة الوحيدة

اللي دايما بتلاحقني

يوم ما جيت وناديت عليا قولت

قدري شايلي حاجة وبيفاجئني

شوفت أجمل دنيا جاية

والنهارده بجد راح اللي مضايقني

لما جيت أنا شوفت نفسي في بكرة أجمل

يا أخيرًا عندي حلم خلاص هيكمل

بس برده بعدت عني

حلمي راح كالعادة مني

قولت أحب الحزن يمكن

برده زيك هيفارقني

بس دي الحاجة الوحيدة

اللي دايما بتلاحقني

عودتني الدنيا أخسر.. أخسر

وإن لما أحب حاجة أوام تسيبني

أي لحظة فرح تِقصر

طول حياتي الحزن قاعد بيراقبني”.