كشف الفنان حسن الرداد، لأول مرة، عن عدم حبه للتعليم منذ صغره، مشيرًا إلى أنه كان يتظاهر بالعكس، وذلك خلال استضافته في برنامج بودكاست “فايق ورايق”، الذي يقدمه الإعلامي إبراهيم فايق.

وقال حسن الرداد: “أنا دايمًا أطلع في البرامج وأحاول أجمل من التعليم؛ لأن أكيد في أطفال بيتفرجوا علينا، بس أنا عمري ما حبيت التعليم، وأكاد أكون بكرهه”.

وأضاف قائلًا: “التعليم مهم عشان توصل لشغل معين، سواء دكتور أو مهندس. لكن من طغولتي وأنا شايف حلمي أنني ألعب كورة وبحب التمثيل، أنا محدد هدفي من وأنا صغير. بلعب كورة من وأنا 7 سنين، أنا كان نفسي ألعب في الأهلي وأكون ممثل”.

وتابع: “لما بدأت أكبر وبقيت 17 سنة، بدأ التمثيل يسيطر على دماغي بشكل كبير”.

أحدث أعمال حسن الرداد

من جهة أخرى، يستعد النجم حسن الرداد لبدء تصوير مسلسله الجديد مع زوجته إيمي سمير غانم. تدور أحداث المسلسل في إطار كوميدي، ومن المقرر عرضه خلال سباق رمضان 2025.

أغنية أصيف

وفي سياق آخر، طرح حسن الرداد مؤخرًا أغنية تحمل اسم “أصيف” التي استطاعت أن تحقق نجاحًا كبيرًا عبر قناته الشهيرة “يوتيوب”.

أغنية “أصيف” من كلمات وألحان صلاح دوشة، وتوزيع بيشو، وإخراج محمد سامي.

وتقول كلمات الأغنية:

“الحر قاتل جدًا

مزيكا سخنة هيتا

أشعر كأني جدًّا

عجوز رياضي سنه

وأنا بمشي وانت تجري

عذرًا شوطتك برجلي

حران عروقي بتغلي

عايز بحر وسنارة وارمي همومي

عرفوا إني مسافر جونة جولي

صحابي في ضهري مش بطولي

نفسك في إيه بيبي قولي

هخدك واسافر ونقضيها دنجلة

ماليش في الهلس ولا شغل جلا جلا

لا العمى كله ولا نص العمى

مش فارق أي حاجة غير بس إن أنا

إن أنا اصيف اصيف

ابلبط واتأيف

الحر قاسي

على مراسي

مش عايش

مش راسي

إن أنا اصيف اصيف

ابلبط واتأيف

الحر قاسي

على مراسي

مش عايش

مش راسي

في نص بارتي واقف وخاربها

أي بنت بقف وألاعيبها

واحدة بس ايدي لمست ايدها

في عيوني مود لا لا مش هسيبها

ناخد درينك نمشي على البيتش

خليكي هادية بيبي ماتجريش

مفيش حاجة تضايقنا مفيش

ناخد تان ونقضيها ترويش

بيبي حلوة جوسي

بنت بلدي مش روسي

عليكي تخلص فلوسي

دوسي بنزين ما تدوسي

عايز اصيف اصيف

ابلبط واتأيف

الحر قاسي

على مراسي

مش عايش

مش راسي

إن أنا اصيف اصيف

ابلبط واتأيف

الحر قاسي

على مراسي

مش عايش

مش راسي”.