ترند ريل
رئيس مجلس الإدارة
نور العاشق

فراس سعيد: "الصحبة هي اللي بتخلي الساحل طيب أو شرير.. وأرفض ألفاظ عدد كبير من التيك توكر"

فراس سعيد
فراس سعيد

في تصريحات خاصة لـ"ترند ريل"، أعرب الفنان فراس سعيد عن حماسه الشديد خلال حضوره العرض الخاص لفيلم ماما وبابا، مؤكداً أنه جاء ليشاهد العمل ويدعم صُنّاعه.

 وقال سعيد: "أنا جاي أتفرج على الفيلم وأشجع القائمين عليه، ومتحمس جداً وعارف إن الناس دي هتقدم حاجة مختلفة".

 

وتحدث سعيد عن رؤيته لمشهد المنافسة الحالية في السينما المصرية، قائلاً: "المنافسة بتصنع اختلاف، وفي النهاية الجمهور هو اللي بيكسب، لما يكون في عدد كبير من الأفلام، كل فيلم بيكون حالة مختلفة، وده بيغني الصناعة ويقوّيها، لأنها في الآخر مرتبطة بشكل مباشر بذوق ورضا المشاهد".

أما عن الجدل الدائر حول ما يُعرف بـ"الساحل الطيب والساحل الشرير"، فقدّم سعيد رؤية فلسفية للأمر، حيث قال: "أنت اللي بتحدد إذا كان الساحل طيب أو شرير، الصحبة والناس اللي حواليك هما اللي بيصنعوا المشهد، بالنسبة لي أنا بشوفه مكان للهدوء، بحب البحر، وبحب أطبخ وأستمتع بالجو، لكن ممكن غيري يشوفه من زاوية مختلفة".

وفيما يخص الأخبار المتداولة عن القبض على عدد من البلوجرز مؤخرًا، علّق سعيد قائلاً: "أنا مش بتفرج على التيك توك كتير، لكن سمعت ألفاظ صعبة جداً اتقالت هناك، وكان لازم يحصل وقفة، في النهاية أي محتوى لازم يكون له ضوابط تحافظ على الذوق العام".
 

تم نسخ الرابط