الناقدة مها متبولي: محمد رمضان فنان شاطر وناجح وبيعرف إزاي يعمل ترند (خاص)

أثارت إطلالة الفنان محمد رمضان الجريئة خلال حفله الأخير ضمن فعاليات مهرجان Coachella العالمي جدلاً واسعًا عبر منصات التواصل الاجتماعي، حيث انقسمت الآراء بين مؤيدين ومعارضين.

وفي تعليقها على الانتقادات، قالت الناقدة مها متبولي في تصريح خاص لموقع ترند ريل:"محمد رمضان فنان شاطر وناجح، وبيعرف إزاي يعمل ترند. مفيش مرة بيظهر فيها إلا وبيخلق حالة من الجدل، وده في حد ذاته نوع من النجاح، زمان مكنش حد بيجيب سيرة (نمبر وان)، دلوقتي في أي لقاء لازم نسأل: مين نمبر وان؟ والكلمة دي هو اللي طلعها وأثبتها".

محمد رمضان على الفيسبوك

من جانبه، شارك محمد رمضان جمهوره بمنشور عبر حساباته على مواقع التواصل الاجتماعي، استعرض فيه بعض صور الماضي، مسترجعًا ذكريات بداياته البسيطة، ومقارنًا إياها بحياته الحالية بعد النجومية.

وقال رمضان:"الصور دي فكرتني بزمان، لما كنت واقف قدام محطة المترو مستني صحابي نروح السينما وبعدها ناكل كشري ونضحك من قلبنا. وقتها كانت كل مسؤولياتي هي الدراسة".

وأضاف:"النهاردة، الصورة قدام مطار الطيران الخاص في لوس أنجلوس، رايح أغني في كوتشيلا، وبسافر VIP وباكل سوشي في الجو، الحمد لله، بس مابقاش في صاحب زي زمان ولا ضحك زي زمان. ولو خيروني بين زمان ودلوقتي، من غير تفكير هاختار دلوقتي".

برنامج مدفع رمضان 

وكان آخر أعمال النجم محمد رمضان برنامج "مدفع رمضان" الذي عُرض  عبر قناة dmc خلال شهر رمضان 2025، ويعد البرنامج أولى تجاربه في مجال التقديم التلفزيوني.