خاص| يوسف عمر: شخصية باسم في "مين يصدق" قريبة من الناس
عبر الفنان يوسف عمر بطل فيلم “مين يصدق"، والذي عرض ضمن مسابقة "آفاق السينما العربية" بالدورة الـ45 ، لمهرجان القاهرة السينمائي الدولي عن سعادته بمشاركة الفيلم في المهرجان.
وقال يوسف عمر في تصريح خاص لموقع "ترند ريل":" أنا مكنتش عارف الفيلم هيتعرض فين ، كنت عارف إن احنا مقدمين في المهرجان بس لما اتقبل اتبسطت جدا حاجة مهمة أوي مهرجان القاهرة ".
و تابع يوسف عمر عن مشاركة الفيلم في المهرجان :" حاجة مهمة أوي بالنسبالي ومبسوط أوي إن الفيلم بيشارك في مهرجان القاهرة وحدث مهم في حياتي ".
وأكمل حديثه عن شخصية “باسم ” في الفيلم :" الشخصية كلها، نوعية الدور نفسه التركيبة نفسها بالنسبالي شدتني جدا و مختلفة عن أي حاجة عملتها و قريبه من الناس و كنت متحمس إني أعملها".
كما تحدث يوسف عمر أيضا عن دوره في فيلم فرقة الموت :" فرقة الموت بيحكي عن قصه حقيقة ، قصة فرقه الموت اللي راحت عشان تحارب خط الصعيد في الأربعينات ، فهو بيحكي عن قصة الخط طبعا و الفرقة، وأنا واحد من الظباط اللي بيسافروا عشان يحاربوا الخط ".
و عن مسلسل زمالك بولاق قال" بيتكلم عن فترة زمنية قديمة وبيشبه فيلم Viking ".
و عن والدته الفنانة لبنى ونس قال " قالتلي نصايح كتير بس أكتر حاجة بحاول أعملها في المهنة إني أبقا مصدق اللي بعمله جدا ".
“مهرجان القاهرة السينمائي الدولي ”
مهرجان القاهرة السينمائي الدولي، هو أحد أعرق المهرجانات في العالم العربي وأفريقيا والأكثر انتظاما، ينفرد بكونه المهرجان الوحيد في المنطقة العربية والأفريقية المسجل ضمن الفئة A في الاتحاد الدولي للمنتجين بباريس "FIAPF".
وتقام الدورة الخامسة والأربعون من مهرجان القاهرة السينمائي الدولي في الفترة من 13 نوفمبر وحتى 22 من الشهر نفسه، وتشهد مشاركة باقة مميزة من الأفلام بكافة أقسام المهرجان، بالإضافة إلى العديد من الجلسات الحوارية والندوات والورش.