خاص|المخرجة زينة عبد الباقي: عرض "مين يصدق" في مهرجان القاهرة كان حلمي

حققت المخرجة زينة أشرف عبد الباقي نجاحًا ملحوظًا من خلال عرض فيلمها الأول "مين يصدق"، الذي يشارك في مسابقة "آفاق السينما العربية" ضمن فعاليات الدورة الـ 45 من مهرجان القاهرة السينمائي الدولي .

وأعربت المخرجة زينة عن سعادتها الكبيرة بمشاركة فيلمها "مين يصدق" في مهرجان القاهرة السينمائي الدولي، مشيرة إلى أن هذه التجربة كانت تمثل حلم لها .

وقالت المخرجة زينة عن مشاركة الفيلم في المهرجان في تصريح خاص لموقع "ترند ريل" :"كان حلمي إنه يتعرض في مهرجان القاهرة، أستاذ حسين فهمي شاف إن الفيلم يستحق يبقى في المهرجان ده يريح الواحد و يطمنه بس الخوف بييجي من أول فيلم روائي طويل ليا والناس هتشوف شغلي لأول مرة و أحب طبعا إنهم يتبسطوا".

وتابعت عن الصعوبات التي واجهتها بالعمل:" طبعا ده أول تجربة مش ليا أنا بس لأ لناس كتير كانو معايا في الفيلم والحمدلله عرفنا نحضر كويس، وكل واحد فينا جاي عشان يثبت نفسه ونطلع أحسن شغل  ".

وأضافت :" الصعوبات اللي واجهتني ممكن تكون نفسية أكتر ، إني حطيت على نفسي ضغط زيادة وإني أطلع أحسن حاجة وأنا شايلة جميل الناس اللي دعمتني بدري أوي في الكارير بتاعي".

وأكملت عن العمل مع والدها :" الأستاذ أشرف أنا كنت متوترة جدا إنه هيبقا معايا في الفيلم مش عشان هو بيوترني ، هوا بيهديني بس أنا كنت زي أي بنت أو أي ابن أكيد عايز أبوه يشوفه بأحسن شكل ويبقا فخور بيه و يشوفه في اللوكيشن وماسك اللوكيشن وعامل شغل كويس ، فا ده كان موترني بس عشان أنا عايزة أثبت نفسي ليه ، بس هو طبعا كان جميل اوي في الشغل وشخص مختلف تماما عن أبويا في البيت ".

و أردفت عن تحضيرها لعمل جديد :" أنا على طول بشتغل على طول بكتب عمري ما بقعد كده معملش حاجة مبعرفش أعمل كده وبكتب مشروع جديد ".

كما تحدثت عن نصيحة والدها لها قائلا:" الأستاذ على طول عنده جزئية معينة بيحاول يعلمهالي إن لازم ألاقي جزء ما بين المرونة و إني أكون متمسكة بأفكاري ، لازم يبقا في حاجات أنا متمسكة بيها ومش هسيبها ، وحاجات الواحد لازم يبقا مرن معاها شوية ويشوفلها حلول ، وأنا بحاول أعمل ده".