شريف رمزي: "ولادي مهتمين بالسينما عشان كده حبيت يكونوا موجودين معايا في مهرجان الجونة"

أوضح الفنان شريف رمزي، أنه كان حريص على حضور أولاده معه فعاليات الدورة السابعة من مهرجان الجونة السينمائي، مؤكدا أنهم مهتمين جدا بالسينما لذلك كان يريد أن يعرفهم على تاريخ أجدادهم.

وقال شريف رمزي خلال فعاليات ختام مهرجان الجونة السينمائي:  "هي ديه تعتبر إجازتهم، وأنا كنت حابب أنهم يكونوا موجودين معايا زي ما كنت بعمل قبل كده مع والدي وجدي وبحضر معاهم مهرجان الإسكندرية فأنا حابب يمروا بنفس التجربة اللي مريت بيها".

وأضاف شريف رمزي: "وكمان يكونوا ذكريات حلوة، خاصة انهم حابين ده ومهتمين جدا بالسينما، وهما انبهروا بالأجواء وكمان لما شافوا أعمال لأجدادهم حبوا ده جدا وأنا بعمل دوري كأب وكفنان".

أعمال شريف رمزي المقبلة

وكشف شريف رمزي عن أعماله الفنية المقبلة، مؤكدا أنه يستعد حاليا لتصوير فيلمين واحد منهما تراجيدي والآخر كوميدي.

ويسمى واحد منهم "ليلة صعبة"، وهو المؤلف رامي الجبري، موضحا أن أحداثه تدور حول جريمة اغتصاب، وتدور بالكامل في ليلة واحدة بين 4 نجوم.

وأكد شريف رمزي أن "ليلة صعبة" من أصعب الأفلام التي شارك بها في مشواره الفني، مشيرا إلى أنه سيكون من أهم الأفلام المؤثرة التي عرضت في تاريخ السينما المصرية.