أمينة خليل: "مهرجان الجونة وفر لينا فرصة لمشاهدة الأفلام العالمية عشان كده هفضل أدعمه"
أكدت الفنانة أمينة خليل، أنها مهتمة كثيرا بمهرجان الجونة الجونية السينمائي منذ انطلاق الدورة الأولى، موضحة أنه يتيح للنجوم فرصة لمشاهدة الأفلام المختلفة حول العالم والتي يصعب عليهم مشاهدتها بسبب ضيق الوقت وصعوبة السفر.
وقالت أمينة خليل خلال فعاليان ختام مهرجان الجونة السينمائي: “أنا متابعة مهرجان الجونة من أول دورة ليه من أيام ما كان لسه صغير لحد ما بقى من أكبر المهرجانات الموجودة حاليا وهفضل أدعمه عشان يكبر أكتر وأكتر”.
أمينة خليل: ندوات مهرجان الجونة شهدت إقبالا كبيرا
وأضافت أمينة خليل: "اكتساب خبرات مهم جدا وده شئ موجود في الجونة، مش بس الندوات والورش لكن المهرجان كمان قدر يوفرلنا أفلام من حول العالم وكمان ادانا فرصة أننا نقابل صناع الأفلام ديه ونتناقش معاهم".
وأعربت أمينة خليل عن سعادتها العارمة بالإقبال الكبير الذي شهدته ندوات وورش مهرجان الجونة في دورته السابعة، معلقة: "الكثافة الكبيرة في الحضور اللي شهدتها الندوات ده يدل على حماسنا أننا نحضر ونتناقش ونتعلم".
وأوضحت أمينة خليل، أن الكيميا بين الممثل ومخرج العمل مهمة جدا وتفيد العمل، مضيفة: "ده بيخلق بيئة كويسة إن العمل يطلع كويس وأنا متحمسة جدا للمسلسل وخايفة جدا".