هند صبري: "أهلي كانوا بيشجعوني على التمثيل وأنا اللي مكنتش حابة ومهرجان أيام قرطاج كان بوابة دخولي لمصر"

كشفت الفنانة هند صبري، عن الدور الذي لعبته أسرتها تجاه دخولها مجال التمثيل، موضحة أنهم السبب الأول في أن تصبح نجمة مشهورة، كما كشفت كواليس سفرها إلى مصر وأول عمل تعاونت به مع المخرجة إيناس الدغيدي، بالإضافة إلى كواليس فيلم "مواطن ومخبر وحرامي".

ندوة هند صبري في مهرجان الجونة

وقالت هند صبري، خلال ندوتها التي أقيمت قبل قليل ضمن فعاليات الدورة السابعة من مهرجان الجونة السينمائي: "أنا محظوظة إن أهلي بيحبوا السينما، لدرجة إني مكنتش حابة موضوع التمثيل وهما اللي ساندوني وكانوا بيزقوني وبيشجعوني".

وأضافت هند صبري: "وأنا اللي مكنتش حابة الموضوع، خصوصا أني كان عندي 14 سنة لما قدمت عمل من الأعمال ورجعت المدرسة بعدها ووقتها زمايلي اتريقوا عليا".

وأردفت هند صبري: "حقيقي الموضوع مش سهل خالص إنك تبقى ممثل ونجم، وعلى ما اعتقد ياسمينا العبد موجودة حاليا في الندوة وهي أكتر واحدة فاهمة وحاسة أنا أقصد إيه".

وتابعت هند صبري: "عشان كده بحس بمسؤولية تجاه السن بتاع ياسمينا لما باجي أشتغل معاهم لأني بستعيد ذكرياتي في السن ده وقتها وبكون حاسة هما بيمروا بإيه".

كواليس هند صبري في مواطن ومخبر وحرامي

كما تحدثت هند صبري عن فيلم "مواطن ومخبر وحرامي"، قائلة: "كان شرف كبير ليا إني اشتغل مع أستاذ داوود عبد السيد وقتها، خاصة أنه مقل في أعماله السينمائية، والفيلم ده من أكتر الأفلام اللي حققت نجاح كبير وقتها وكمان فضلت في ذاكرة الناس، بالإضافة إلى أن حجم شعبية شعبان عبد الرحيم كانت كبيرة جدا، ولو جينا نتفرج على الفيلم ده دلوقتي بعد مرور 25 سنة هنلاقي إنه بيعبر عن المجتمع لأن تركيبته متغيرتش".

كواليس سفر هند صبري إلى مصر

أما عن أول أفلامها المصرية "مذكرات مراهقة"، قالت هند صبري: "مهرجان أيام قرطاج هو البوابة اللي دخلت منها مجال التمثيل في مصر، فبعد انتهاء المهرجان سفارة المغرب كلمتني، وقالولي المخرجة المصرية إيناس الدغيدي بتسأل على رقمك وبعدها كلمتني".

واستكملت هند صبري: "وأنا كنت طول عمري في مدرسة فرنساوي وكنت مهتمة أكتر بالأعمال الأجنبية، وكان عندي جهل وقتها بتاريخ السينما المصرية بحكم ثقافتي المغربية المنفتحة على الغرب،  وإيناس قالتي أنا بعمل فيلم هنا في مصر وعاوزاكي معايا، ووقتها كنت مخلصة جامعة وكنت متحمسة أوي إني أجي أشوف مصر، عشان كده جيت فعلا، وبالمناسبة أنا كنت بديلة ممثلة تانية في للفيلم ده".