خاص.. إنجي علي: "أنا ضد المساواة وانتقادات الجمهور مبتشغلنيش"
أكدت الإعلامية إنجي علي، أنها تفضل المشاركة في كافة الفعاليات التي تشجع وتدعم المرأة في كافة المجالات مثل جيرلز سبيس، كما كشفت عن كيفية تعاملها مع الانتقادات التي توجه لها بسبب ملابسها الجريئة.
وقالت إنجي علي خلال لقائها بموقع "ترند ريل": "أول مرة أشارك في جيرلز سبيس لأن كل مرة الحظ مكنش بيحالفني ومبيكونش عندي وقت، وأنا سعيدة جدا بالتجربة ديه، وأحب دايما أشارك في الإيفنتات اللي بتدعم المرأة وبتشجعها تكون قوية".
وأضافت إنجي علي: "من وجهة نظري مفيش ست قوية وست ضعيفة، لأن الستات كلها قوية، ولما بتتحط في مواقف معينة بتتصرف وبتبقى قده تالت ومتلت، ولكن ده ميخلهاش تفقد أنوثتها إحنا فقدنا الأنوثة من كتر ما الست استرجلت، أنا ضد المساواة".
تعليق إنجي علي على انتقادات الجمهور
أما عن انتقادات الجمهور لملابسها، قالت: "مش كل الناس بيعجبها استايلي وطريقة لبسي، لكن ده اللي أنا حباه وبيليق عليا، ومن وجهة نظري أن لبسك هو جزء من شخصيتك وبيعبر عن أي واحدة".
وأردفت إنجي علي: "أنا بتجاهل كل التعليقات السلبية ومبشغلش بالي بيها خالص، زمان كنت ممكن اضايق، لكن دلوقتي السوشيال ميديا مزيفة كلها وفارغة جدا".