خاص.. وئام مجدي: "جيرلز سبيس بيدعموا المرأة وفيديوهاتي مع تيتا قلت بسبب انشغالي في التصوير"

أعربت الفنانة وئام مجدي، عن سعادتها الكبيرة بحضورها فعالية جيرلز سبيس، التي أقيمت بالأمس في أكبر المولات التجارية، كاشفة عن مدى اهتمامها بالموضة والأزياء، كما كشفت سر خسارتها الملحوظة في الوزن.

وقالت وئام مجدي خلال لقائها مع موقع "ترند ريل": "بحب إيفنتات جيرلز سبيس كلهم، لأنها بيدعموا المرأة بطرق مختلفة، وأنا من أنصار ده جدا، ولكن أنا مش مهتمة بالموضة أوي، أنا دايما بميل للملابس الهادية والناعمة، ممكن أجرب حاجات مجنونة ولكن في الميك اب بس".

أما عن سر خسارتها للوزن وحقيقة ارتباطها، قالت: "لو فيه أي حاجة شكلي مكنش هيبقى حلو، أنا شكلي كده عشان لوحدي، بس خليني بردو معممش لأن فيه أشخاص أسوياء ييخلوا الست اللي معاهم حلوة".

كما كشفت وئام مجدي، عن مدى تأثرها من انتقادات الجمهور، وكيفية تعاملها معها، معلقة: "ساعات الانتقادات بتشغلني لو أنا نفسيتي مش حلوة، لكن غير كده مش بركز مع السلبيات".

وأوضحت وئام مجدي، أيضا سبب قلة فيديوهاتها مع جدتها على السوشيال ميديا خلال الفترة الأخيرة، قائلة: "عشان كانت تعبانة وبناخد وقت عقبال ما نصور فيديو حلو، لأني بفضل سايبة التليفون شغال ساعتين مثلا عشان أقدر أطلع فيديو حلو، خاصة أننا مش بنكون متفقين خالص على الكلام اللي هيتقال".

وأضافت وئام مجدي: "كمان كنت مشغولة في الشغل والتصوير اللي الفترة اللي فاتت عشان كده فيديوهاتنا قلت".